CAREERS

Velkomin á umsóknarvef okkar! Hér að neðan eru upplýsingar um laus störf hjá okkur. Skoðaðu og sæktu um í dag.

Vinnslustöðin hf. er í hópi stærstu sjávarútvegsfyrirtækja landsins. Vinnslustöðin er útgerðar- og fiskvinnslufyrirtæki, sem rekur eigið sölu og markaðsstarf og selur afurðir sínar að nær öllu leyti á erlendum mörkuðum.

Framkvæmdastjóri

Marhólmar ehf. í Vestmannaeyjum leitar að áhugasömum aðila í starf framkvæmdastjóra. Marhólmar ehf. hóf starfsemi árið 2012 og er í eigu Vinnslustöðvarinnar hf. Hjá fyrirtækinu starfa að jafnaði um 20 starfsmenn og er starfsstöð félagsins í Vestmannaeyjum. Starfsemi Marhólma er framleiðsla á fullunnum gæðavörum, aðallega fullunnum hrognaafurðum. Vörur fyrirtækisins eru seldar um allan heim. Velta fyrirtækisins á árinu 2022 var um 2 milljarðar króna.

Við leitum að einstaklingi í krefjandi starf í afar fjölbreyttu og alþjóðlegu umhverfi.

Helstu verkefni og ábyrgð

• Daglegur rekstur fyrirtækisins í samvinnu við framleiðslustjóra
• Ábyrgð á fjármálum, fjárhagsáætlunum og rekstraruppgjörum
• Upplýsingagjöf, greiningar og ráðgjöf til stjórnar
• Umsjón sölumála og greining á mörkuðum
• Koma á og viðhalda langtíma viðskiptasamböndum við viðskiptavini
• Öflun hráefnis í vinnslu félagsins
• Utanumhald birgða
• Þátttaka í stefnumótun félagsins

Menntunar- og hæfniskröfur

• Háskóla- eða tæknimenntun, sambærileg menntun eða reynsla sem nýtist í starfi
• Farsæl stjórnunar- og rekstrarreynsla er kostur
• Reynsla af vöruþróun og framleiðslu kostur
• Reynsla af alþjóðaviðskiptum er kostur
• Góð færni í ensku, bæði í töluðu og rituðu máli
• Frumkvæði, skipulagshæfni og nákvæmni í vinnubrögðum

Umsóknum skal skila á tölvupósti til Lilju B. Arngrímsdóttur, starfsmannastjóra Vinnslustöðvarinnar á lilja[at]vsv[dot]is.

Nánari upplýsingar veitir Sigurgeir Brynjar Kristgeirsson, framkvæmdastjóri Vinnslustöðvarinnar á netfanginu binni[at]vsv[dot]is eða í síma 488-8000.

Umsóknarfrestur er til 30. júní 2023.