Útkall í uppgræðslu í Eldfelli!
Sjálfboðaliðar með Guðmundu Bjarnadóttur í fararbroddi ætla að dreifa áburði og fræjum í hlíðum Eldfells á morgun, þriðjudaginn 24. júlí, kl. 17:30.
Öllum velkomið að taka þátt í verkefninu. Guðmunda biður væntanlega liðsmenn í græna hernum sínum að mæta með hlífðarhanska.
Landgræðslan í Eldfelli á rætur að rekja til ákvörðunar stjórnar Vinnslustöðvarinnar um að veita 10 milljónir króna til verkefnisins í tilefni sjötugsafmælis síns 2016, í samstarfi við Vestmannaeyjabæ.
Skeljungur gaf áburð til dreifingar í fyrra og gerir það aftur í ár. Fyrirtækið er þar með orðið beinn þátttakandi í verkefni sem færir þátttakendum og Eyjamönnum öllum gæfi og gleði og hefur nú þegar skilað miklum og sýnilegum árangri.
