Bleikur (vinnu)dagur í VSV
Tilveran var með bleikara móti á skrifstofu Vinnslustöðvarinnar í Vestmannaeyjum í dag.
Bleiki dagurinn var hátíðlegur haldinn og þess sáust glögg merki á vinnustaðnum en fyrst og fremst í morgunkaffinu.
Konur í starfsmannahópnum voru áberandi áræðnari í að bleikja sig í tilefni dagsins, bæði í klæðaburði og til höfuðsins. Karlarnir voru hógværari en sumir þeirra fá óhikað prik fyrir viðleitni.
Óhætt er að segja lífið hafi verið í lit í vinnunni í dag.
Baráttukveðjur úr Vinnslustöðinni í tilefni Bleika dagsins 2016!
