Verkstjóri í fiskvinnslu
Vinnslustöðin hf. auglýsir starf verkstjóra til umsóknar í fiskvinnslu félagsins í Vestmannaeyjum. Um er að ræða fullt starf og er miðað við að viðkomandi geti hafið störf sem fyrst.
Spennandi tímar eru framundan í fiskvinnslu félagsins þar sem hafinn er undirbúningur að uppbyggingu nýs fiskvinnsluhúss fyrir botnfiskvinnslu félagsins.
Helstu verkefni:
- Dagleg umsjón og skipulagning á fiskvinnslu félagsins í samvinnu við aðra stjórnendur.
- Umsjón með framleiðsluskráningum.
- Umsjón með gæðum hráefnis og framleiðsluvöru.
- Fylgja eftir áætlunum og vinnsluferlum.
- Virk þátttaka í stjórnun og umsjón starfsmannamála.
- Önnur tengd og tilfallandi verkefni.
Þekking og hæfni:
- Menntun og/eða reynsla í fiskvinnslu æskileg.
- Reynsla af stjórnun er æskileg.
- Góð tölvufærni og færni í framsetningu talna og gagna.
- Enskukunnátta er kostur.
- Skipulagshæfni, nákvæmni og sjálfstæð vinnubrögð.
- Góð samskiptafærni og jákvæðni.
Umsóknarfrestur er til 12. júní nk. Allar umsóknir skulu berast til Lilju Bjargar Arngrímsdóttur, mannauðsstjóra, á netfangið lilja[at]vsv[dot]is. Nánari upplýsingar um starfið veitir Sverrir Haraldsson, sviðsstjóri botnfiskssviðs, á netfanginu sverrir[at]vsv[dot]is eða í síma 488-8000.
