Ábyrgð

9.55°C

ESE

11.32 m/s

Ábyrgð

Fiskveiðar eru ein af grunnstoðum atvinnulífs okkar

Atvinnulíf og framtíð samfélags okkar byggist að miklu leyti á því að fiskistofnar séu sterkir og heilbrigðir og að vel sé gengið um þá sem og náttúruna í heild.

Ábyrgar fiskveiðar og sjálfbærni skiptir okkur miklu máli. Við leggjum mikla áherslu á ábyrga umgengni við sjóinn, auðlindina og náttúruna um leið og við nýtum hana.

Markmið okkar er að stunda hagkvæmar veiðar með skynsamlegri orkunotkun og góðri umgengni. Það er af þeim ástæðum sem íslenskur sjávarútvegur hefur náð markmiði Parísarsáttmálans um minnkun gróðurhúsalofttegunda um 40%, ein íslenskra atvinnugreina.

Við trúum því að sjálfbærni færi okkur aukin gæði!

Sjálfbærar veiðar

Vinnslustöðin starfar eftir íslenskum lögum og reglum þegar kemur að fiskveiðistjórnun.

Fiskistofa annast skráningu aflaheimilda og afla allra skipa sem fá úthlutuðar aflaheimildir á Íslandi. Upplýsingar um veiðiferðir skipa eru mjög aðgengilegar og rekjanlegar.

Hagkvæm skip og nálægð okkar við fiskimiðin gerir okkur kleift að stunda ábyrgar og sjálfbærar fiskveiðar sem hafa í för með sér lágmörkun kolefnisfótspors.

Vinnslustöðin er MSC- og IRF-vottuð og er það sönnun þess að við erum helguð sjálfbærum veiðum.

MSC vottun okkar

MSC (Marine Stewardship Council) er alþjóðlegt non-profit félag sem tekur á vanda ósjálfbærra veiða og passar upp á sjávarafurðir fyrir framtíðina. MSC er vottun fyrir útvegsfyrirtæki, líkt og Vinnslustöðina, sem hjálpa til við að halda hafinu heilbrigðu og fullu af lífi.

Vinnslustöðin uppfyllir þá staðla um sjálfbærar veiðar og rekjanleika sjávarfangs sem MSC hefur sett. Þetta þýðir að rekja má fiskinn okkar til fiskimiðanna. Kröfur MSC uppfylla alþjóðlegar bestu starfsvenjur fyrir vottunar- og umhverfismerkingaráætlanir.

IRF vottun okkar

Vottun um ábyrgar íslenskar fiskveiðar (IRF) staðfestir að fiskurinn okkar er veiddur í íslenskri lögsögu og að meðferð á afurðum sé góð. Vottun þessi auðveldar hagsmunaaðilum að koma auga á vöru sem hefur íslenskan uppruna og að hún hafi verið veidd í samræmi við ábyrgð um sjálfbærni.

Vinnslustöðin er stolt af því að vera IRF-vottuð með því að sækja fisk á ábyrgan hátt í Norður-Atlantshafi meðfram ströndum Íslands.

Gæðayfirlýsing

Vinnslustöðin starfar samkvæmt Hazard Analysis and Critical Control Points (HACCP). HACCP er stjórnunarkerfi sem tryggir öryggi, gæði og heilsufarslegan ávinning matvæla. Vinnslustöðin notar innra eftirlit við framleiðslu og dreifingu á vörum. Þetta þýðir að öll framleiðsluferli eru einfölduð til að koma í veg fyrir allt sem gæti haft áhrif á gæði, öryggi og heilsufar fisksins, annaðhvort við framleiðslu eða dreifingu.

Samfélagið

Vinnslustöðin er eitt af stærstu sjávarútvegsfyrirtækjum landsins. Sátt og virðing fyrir auðlindum sjávar og nýtingu þeirra er forsenda þess að Vinnslustöðin þrífist og geti gagnast samfélagi sínu hér eftir sem hingað til.

Eyjan okkar

Frá árinu 2002 hefur öll umframorka frá vinnsluhúsum Vinnslustöðvarinnar farið í það að hita upp byggingar félagsins. Árið 2003 voru vinnslur félagsins tengdar við veitukerfi bæjarins fyrir heitt vatn og virkaði í raun sem „orkuver“ til ársins 2019. Þegar starfsemi í verksmiðjum Vinnslustöðvarinnar var í hámarki gat Vinnslustöðin boðið fram heitt vatn í dreifikerfið með nóg af orku til að hita upp helming íbúðarhúsa í Vestmannaeyjum.

Tæknibúnaðurinn sem gerir þetta mögulegt hefur einnig helmingað olíunotkun við vinnslu. Þá hefur verulega dregið úr losun gróðurhúsalofttegunda í andrúmsloftið við bræðslu fiskimjöls.