Bleiki dagurinn setti svip á morgunkaffið hjá Vinnslustöðinni í morgun, miðvikudaginn 21. október. Boðið var upp á kaffi og bakkelsi að venju á þessum degi og flestar terturnar voru að sjálfsögðu bleikar.

„Það er alltaf gaman að gera aðeins meira úr morgunkaffinu og bleika bakkelsið sló sannarlega tóninn. Svona stundir skapa góðan anda og gefa okkur tækifæri til að setjast niður saman og spjalla. Um leið erum við að sýna stuðning við mikilvægt málefni,“ segir Helena Björk Þorsteinsdóttir, sem kom að undirbúningi dagsins.

Á Bleika deginum hvetur Krabbameinsfélag Íslands landsmenn til að bera Bleiku slaufuna og klæðast bleiku til að sýna konum sem greinst hafa með krabbamein stuðning og samstöðu.

Við hjá Vinnslustöðinni sendum hlýjar kveðjur til allra sem takast á við krabbamein og þeirra sem standa þeim nærri.

Meðfylgjandi myndir voru teknar í morgunkaffinu.